اسرائیلی حملے کو بڑھا چڑھا کر یا کم بتا کر پیش نہیں کیا جانا چاہیے : علی خامنہ ای

ایرانی سپریم لیڈر علی خامنہ ای نے کہا ہے کہ اسلامی جمہوریہ ایران پر ہونے والے اسرائیلی حملے کو نہ تو بڑھا چڑھا کر پیش کیا جانا چاہیے نہ ہی کم کیا جانا چاہیے۔'

سوشل میڈیا پلیٹ فارم 'ایکس' پر اتوار کے روز کی گئی پوسٹ میں انہوں نے کہا 'دو دن پہلے کیے گئے صیہونی حکومت کے حملے کے لیے مبالغہ آرائی نہیں کرنی چاہیے اور نہ ہی اسے کم بتانا چاہیے۔ '

خیال رہے اسرائیلی فوج کے ایران پر کیے گئے حملے کے نتیجے میں چار فوجی ہلاک ہوئے ہیں۔ جبکہ ایران کا کہنا ہے کہ چند ریڈارز کو محدود نقصان پہنچا ہے۔ تاہم ایرانی میڈیا نے ایرانی دفاعی صلاحیت کو اجاگر کیا لیکن براہ راست جواب دینے سے متعلق کوئی بات نہیں کی ہے۔

ایرانی صدر مسعود پیزشکیان نے ہلاک ہونے والے فوجیوں کو خراج تحسین پیش کیا کہ انہوں نے بغیر کسی خوف کے سرزمین کے دفاع کے لیے کوشش کی۔