عالمی شہرت یافتہ اداکار جارج کلونی سابق امریکی صدر براک اوباما سے ناراض نظر آئے۔ اس کی وجہ ان کا یہ احساس ہے کہ انہیں سابق صدر نے دھوکہ دیا تھا۔ خاص طور پر کلونی کی جانب سے جو بائیڈن پر عوامی طور پر تنقید کرنے کے بعد واضح مدت کے لیے غائب ہوگئے تھے۔ اس دوران بائیڈن کو صدارتی انتخابات میں دوسرے راؤنڈ کے لیے انتخاب لڑنے سے دستبردار ہونے کا دباؤ ڈالا گیا اور ان کی نائب کملا ہیرس کے لیے راہ ہموار کی گئی تھی۔
لبنانی نژاد وکیل امل کلونی سے شادی کرنے والے مشہور اداکار نے گزشتہ جولائی میں ایک مضمون لکھا تھا جس میں انہوں نے بائیڈن کی صحت اور علمی صلاحیتوں پر روشنی ڈالی تھی۔ یہ افواہیں بھی پھیلی تھیں کہ وہ ڈیمنشیا میں مبتلا ہیں۔ 63 سالہ اداکار نے اس وقت کہا تھا ہم اس صدر کے ساتھ نومبر جیتنے والے نہیں ہیں۔ پھر 11 دن بعد بائیڈن پیچھے صدارتی امیدوار بننے سے پیچھے ہٹ گئے۔
تاہم ڈونلڈ ٹرمپ کی جانب سے انتخابی ووٹوں کا ایک بڑا فیصد جیتنے کے بعد کلونی کے قریبی ذرائع نے انکشاف کیا کہ وہ اوباما کی طرف سے نظر انداز کیا جانا محسوس کر رہے ہیں کیونکہ انہوں نے ہی انہیں بائیڈن کے خلاف بات کرنے پر اُکسایا تھا۔
ایک اندرونی ذریعہ نے یہ بھی بتایا کہ اداکار صدارتی انتخابات کی تباہی اور ٹرمپ کی جیت کے بعد لاپتہ ہونے اور انہیں ہالی ووڈ میں اپنے دوستوں کے ساتھ قیمت ادا کرنے کے لیے چھوڑنے پر بھی سابق صدر سے بہت ناراض ہیں۔ ان کے بالی ووڈ کے ان دوستوں نے کملا ہیرس کی حمایت کی تھی۔
ایک سیاسی ذریعے نے تصدیق کی ہے کہ یہ اوباما ہی تھے جنہوں نے کلونی پر زور دیا کہ وہ بائیڈن کو اپنی ناکام مہم ختم کرنے کے لیے کال کریں۔ اس خوف سے کہ اگر وہ خود ایسا کرتے ہیں تو اس کے نتائج برآمد ہوں گے۔ ذریعہ نے بتایا کہ اوباما اور کلونی کا برسوں سے مضبوط رشتہ تھا اور اداکار یہاں تک کہ بائیڈن پر صدارت سے دستبردار ہونے کے لیے دباؤ ڈالنے کی مہم کی قیادت کرنے میں اوباما کے نائب بن گئے تھے۔
واضح رہے اس سے قبل کلونی نے گزشتہ جون 2024 میں ٹرمپ کے خلاف صدارتی مباحثے کے دوران جو بائیڈن کی خراب کارکردگی کو اجاگر کیا تھا۔ انہوں نے یہ بھی دعویٰ کیا تھا کہ صدر کے لیے ٹرمپ کے ساتھ وائٹ ہاؤس کے لیے سر توڑ مقابلہ جیتنا ممکن نہیں ہوگا۔ انہوں نے اس وقت ایک امریکی اخبار میں شائع ہونے والے ایک مضمون میں لکھا تھا کہ یہ کہنا افسوسناک ہے لیکن میں تین ہفتے قبل فنڈ ریزنگ تقریب میں جس بائیڈن کے ساتھ تھا وہ وہ آدمی نہیں تھا جسے میں نے 2010 میں دیکھا تھا۔ ہم اس صدارتی امیدوار کے ساتھ کبھی نہیں جیتیں گے۔
جارج کلونی کا سب سے حالیہ کام فلم وولفز تھا جس میں انہوں نے اداکار بریڈ پٹ کے ساتھ کام کیا تھا جو گزشتہ ستمبر 2024 میں دکھائی گئی تھی۔ اس فلم نے قابل قبول کامیابی حاصل کی تھی۔
