تونس: سعودی عرب کی فنڈنگ سے دو ہسپتالوں کی تعمیر کا منصوبہ

تونس کے دو شہروں سبیبہ اور الجم میں سعودی ترقیاتی فنڈ کی جانب سے قرض سے دو ہسپتالوں کی تعمیر کے معاہدوں پر دستخط کر دیے گئے۔

دوسری جانب تونس کے وزیر صحت مصطفی الفرجانی کا کہنا ہے کہ یہ منصوبہ مملکت سعودی عرب کی جانب سے پیش کی گئی سابقہ امدادات کی توسیع کے ضمن میں ہے۔ ان امدادات نے ملک میں صحت کے سیکٹر پر مثبت اثرات مرتب کیے ہیں۔

الفرجانی کے مطابق یہ منصوبہ مختلف شعبوں میں سعودی عرب اور تونس کے تعلقات میں پیش رفت کا عکاس ہے۔

دوسری جانب تونس میں سعودی عرب کے سفیر ڈاکٹر عبدالعزيز الصقر کا کہنا ہے کہ ان کا ملک تونس میں سعودی اداروں کی جانب سے مالی تعاون سے مشترکہ منصوبوں پر عمل درآمد تیز کرنے کا خواہاں ہے۔

یاد رہے کہ سعودی ترقیاتی فنڈ نے تونس میں 32 ترقیاتی منصوبوں اور پروگراموں کے لیے آسان قرضوں کے ذریعے مالی رقوم فراہم کیں جن کی مجموعی مالیت 1.23 ارب ڈالر ہے۔ اس کے علاوہ مملکت نے مذکورہ فنڈ کے ذریعے 4 امدادات پیش کیں جن کی مالیت 10.5 کروڑ ڈالر ہے۔ اس کا مقصد تونس میں مختلف اہم ترقیاتی سیکٹروں کو سپورٹ کرنا ہے۔