وزیر اعظم اٹلی سعودی عرب کے دورے پر جدہ پہنچ گئیں

اٹلی کی وزیراعظم سعودی عرب کے سرکاری دورے پر ہفتہ کے روز جدہ پہنچ گئی ہیں۔ ان کے جدہ پہنچنے پر مکہ ریجن کے نائب گورنر شہزادہ سعود بن مشعل بن عبدالعزیز اور دیگر حکام نے ان کا خیر مقدم کیا۔

سعودی خبر رساں ادارے 'ایس پی اے' کے مطابق جدہ پہنچتے ہی ان کی گورنر مکہ سے ملاقات ہوئی او ردو طرفہ دلچسپی کے امور پر تبادلہ خیال کیا گیا۔

واضح رہے اٹلی کی وزیراعظم جارجیا میلونی کا یہ دورہ دونوں ملکوں کے درمیان توانائی کے شعبے میں تعاون بڑھانے کے سلسلے میں حال ہی میں طے پانے والے معاہدے پر دستخطوں کے بعد ہو رہا ہے۔

اس معاہدے کے تحت مملکت یورپ کو گرین ہائیڈروجن برآمد کرے گا۔

دوسری جانب سعودی عرب کے وزیر توانائی شہزادہ عبدالعزیز بن سلمان سے اٹلی کے وزیر توانائی اور ماحولیات گل بیرٹو پچیٹو کی ملاقات دو ہفتے پہلے 14 جنوری کو ہوئی تھی۔ جس میں مفاہمتی یادداشت پر دستخط ہوئے تھے۔