سعودی پریس ایجنسی (ایس پی اے) کے مطابق سعودی وزیر خارجہ شہزادہ فیصل بن فرحان نے اپنے پاکستانی ہم منصب اسحاق ڈار سے فون پر بات چیت کی ہے جس میں دوطرفہ تعلقات، علاقائی پیش رفت اور کشیدگی کو کم کرنے کی کوششوں پر تبادلہ خیال کیا گیا۔ دریں اثنا سعودی وزیر خارجہ نے اپنے ہندوستانی ہم منصب ڈاکٹر سبرامنیم جے شنکر کے ساتھ دو طرفہ تعلقات کے ساتھ ساتھ علاقائی پیشرفت اور کشیدگی کو کم کرنے کی کوششوں پر بھی بات چیت کی۔
شہزادہ فیصل بن فرحان کی طرف سے یہ کال گزشتہ منگل کو ہندوستان کے زیر انتظام کشمیر کی سیاحتی وادی پسران میں پہلگام قصبے کے قریب ایک حملے کے بعد دو ایٹمی طاقتوں کے درمیان بڑھتی ہوئی کشیدگی کے بعد کی گئی ہے۔
مقبوضہ کشمیر میں عسکریت پسندوں کی طرف سے شروع کیے گئے حملے کے اثرات بھارت اور پاکستان کے درمیان جاری ہیں۔ نئی دہلی نے گزشتہ روز عسکریت پسندوں کی طرف سے شروع کیے گئے حملے کا ذمہ دار اپنے پڑوسی کو ٹھہرایا تھا۔ اس حملے میں بھارت کے زیر انتظام کشمیر میں 26 افراد ہلاک ہوگئے تھے۔
حملے کے بعد نئی دہلی نے دونوں ممالک کے درمیان ایک اہم زمینی گزرگاہ کو بند کردیا اور پاکستان کے ساتھ پانی کی تقسیم کے سٹریٹجک معاہدے کو معطل کرنے کا اعلان کردیا۔ جواب میں اسلام آباد نے جنگ کے عمل کی دھمکی دی ۔ ہندوستان نے دونوں ملکوں کے درمیان دیگر موجودہ معاہدوں کو بند کرنے ، اپنی فضائی حدود بند کرنے اور تجارت کو معطل کر نے کا اعلان کیا۔
