فرانس میں ایفل ٹاور پر فلسطینی پرچم لہرانے والے چھے افراد گرفتار

فرانسیسی حکام نے چھے افراد کو گرفتار کیا ہے جن پر بلااجازت ایفل ٹاور سے فلسطینی پرچم لہرانے کا شبہ ہے، ایک پولیس ذریعے نے ہفتے کے روز بتایا۔

موسمیاتی کارکنان کے گروپ ایکسٹِنکشن ریبیلیئن فرانس نے جمعہ کی سہ پہر ٹاور کی پہلی منزل سے ایک بڑا پرچم لٹکانے کی ذمہ داری قبول کی۔

ایک نمائندے نے کہا، ہم فلسطینیوں کو "حمایت کا پیغام" بھیج رہے ہیں۔ انہوں نے اسرائیل پر غزہ میں "قتلِ عام" کرنے نیز فلسطینی سرزمین پر زیتون کے درختوں کو اکھاڑ پھینکنے سمیت "ماحولیاتی جرائم" کا الزام لگایا۔

یہ یومِ نقبہ کے موقع پر کیا گیا ہے جو قیامِ اسرائیل کے دوران 1948 میں فلسطینیوں کو بے دخل کرنے کی یاد دلاتا ہے۔

فرانس کے فلسطینی ریاست کو تسلیم کرنے سے پہلے اسرائیل اور فلسطین کے پرچموں نیز اظہارِ امن کے کے لیے ایک کبوتر اور زیتون کی شاخ کی تصاویر ستمبر میں ایفل ٹاور پر لگائی گئی تھیں۔