اماراتی وزیر خارجہ کی جنرل عبدالفتاح السیسی سے ملاقات

متحدہ عرب امارات کے وزیرخارجہ الشیخ عبداللہ بن زید آل نھیان نے قاہرہ میں مصر کی مسلح افواج کے سربراہ اور وزیر دفاع جنرل عبدالفتاح السیسی سے ملاقات کی۔

جنرل السیسی اور اماراتی وزیر خارجہ کے درمیان قاہرہ میں وزارت دفاع کے ہیڈکواٹرز میں ہوئی۔ ملاقات میں دونوں برادر ملکوں میں مختلف شعبوں میں تعاون بڑھانے سمیت باہمی دلچسپی کے امور پر تبادلہ خیال ہوا۔

اس موقع پر جنرل عبدالفتاح السیسی نے الشیخ عبداللہ بن زید آل النھیان کو جمہوریہ مصر کی تازہ صورت حال بالخصوص نئے دستور کی تیاری اور اس کے بارے میں آئندہ سال 14، 15 جنوری کو ہونے والے ریفرنڈم سے متعلق بریفنگ دی۔