ایران: یو اے ای کی سمندری حدود سے باہر بحری جہازوں پر حملے ’’قابل افسوس‘‘ ہیں

ایرانی وزارت خارجہ نے متحدہ عرب امارات کی ریاست الفجیرہ کے ساحل کے قریب کمرشل بحری جہازوں کو تخریب کاری کا نشانہ بنائے جانے کے واقعے کو ’’پریشان کن اور افسوسناک‘‘ قرار دیتے اس کے مضمرات سے متعلق تحقیقات کا مطالبہ کیا ہے۔

نیم سرکاری سٹوڈنٹس نیوز ایجنسی نے ترجمان عباس موسوی کا ایک بیان نقل کیا ہے جس میں انھوں نے کہا کہ ’’ایسے حادثات کے بحری ملاحت پر منفی اثرات مرتب ہوتے ہیں۔‘‘ انھوں نے خطے کے ممالک سے مطالبہ کیا کہ وہ غیر ملکی عناصر کی طرف سے استحکام کو گزند پہنچانے والی سازشوں سے ہوشیار رہیں۔‘‘

ایرانی پارلیمنٹ [مجلس شوری] میں قومی سلامتی اور خارجہ پالیسی کمیٹی کے سربراہ حشمت اللہ فلاحت بیشہ نے اتوار کی شب ٹویٹر پیغام میں کہا کہ ’’الفجیرہ کے دھماکوں سے ظاہر ہوتا ہے کہ جنوبی خلیج کا امن انتہائی مخدوش ہے۔‘‘