عراق : الحشد الشعبی کمیٹی کے تمام دفاتر ختم کرنے کا اعلان

عراقی قومی سلامتی کے مشیر اور الحشد الشعبی ملیشیا کمیٹی کے سربراہ فالح الفیاض نے عراق کے تمام صوبوں میں الحشد الشعبی کمیٹی کے دفاتر ختم کرنے کا اعلان کیا ہے۔

الفیاض نے منگل کے روز ایک پریس کانفرنس میں بتایا کہ الحشد الشعبی ملیشیا فورسز کے ڈائریکٹریٹ اور ملک بھر میں اس کی شاخوں کو ختم کر دیا جائے گا۔

الفیاض کے مطابق عراقی حکام کو انضمام کے عمل اور صوبوں میں الحشد ملیشیا کے دفاتر ختم کرنے کے لیے دو ماہ کے عرصے کی ضرورت ہے۔ الفیاض نے بتایا کہ انہوں نے پیر کے روز عراقی وزیراعظم اور مسلح افواج کے کمانڈر انچیف عادل عبدالمہدی کو اس سلسلے میں عمل درامد کے لیے ایک خط ارسال کیا ہے۔

الفیاض کا یہ بھی کہنا تھا کہ بعض عراقی شخصیات پر جن میں الحشد الشعبی کے لوگ بھی شامل ہیں ،،، امریکی پابندیوں کا عائد کیا جانا مکمل طور پر ناقابل قبول اور عراقی خود مختاری پر ہاتھ ڈالنا ہے۔

الفیاض نے زور دیا کہ امریکی پابندیاں کوئی اثر نہیں رکھتی ہیں۔