سعودی عرب نے عرب چیتے کے تحفظ اور اس کی نسل کو معدوم ہونے سے بچانے کے لیے دنیا میں ایک ممتاز مثال قائم کی ہے۔ چیتے کی نسل کو معدوم ہونے سے بچانے کی کوششوں کے ضمن میں سعودی عرب کی کابینہ [مجلس وزراء] نے فیصلہ جاری کیا گیا ہے جس میں ہر سال کی 10 فروری کو چیتے کا دن منانے کا اعلان کیا گیا۔ اس اعلان کے اعتبار سے آج جمعرات 10 فروری کو عربی چیتے کا دن منایا جا رہا ہے۔
عرب چیتے کے لیے ایک دن منانے کے ضمن میں العلا گورنری کے شاہی کمیشن نے مختلف اقدامات کے ذریعے اس کے تحفظ کے لیے ایک حکمت عملی طے کی ہے،جس میں عربی چیتے کے مرکز کے افتتاح کے ذریعے افزائش نسل کے پروگرام کو بڑھانا شامل ہے۔ یہ پروگرام شرعان نیچر ریزرو میں اعلیٰ ترین بین الاقوامی معیار کے مطابق چیتے کے تحفظ کا منصوبہ شامل ہے۔
ولی عہد اور شاہی کمیشن برائے العلا گورنری کے بورڈ آف ڈائریکٹرز کے چیئرمین شہزادہ محمد بن سلمان بن عبدالعزیز کی فروری 2019 میں عرب چیتے کے تحفظ کے لیے عالمی فنڈ قائم کرنے کی ہدایت عربی چیتے کو تحفظ دینے کے پروگرام کا حصہ تھا۔ اسی ضمن میں العلا گورنری میں شرعان نیچر ریزرو پروجیکٹ کا آغازعربی چیتے کو بچانے کے لیے دانش مند قیادت کی جانب سے ایک تعاون ہے۔
رائل کمیشن برائے العلا عرب چیتے کے بارے میں آگاہی پھیلانے کے لیے متعدد پروگرام اور سرگرمیاں شروع کرچکا۔ ستمبر 2021 میں اس نے اس جاندار کو محفوظ رکھنے کے لیے ایک اہم قدم کے طور پر ایک "مادہ" کی پیدائش کا اعلان کیا۔
بقائے باہمی کی ضمانت
سعودی پریس ایجنسی "ایس پی اے" کے مطابق العلا رائل اتھارٹی بہت سے اہداف حاصل کرنے کی کوشش کرتی ہے جن میں سے سب سے اہم عرب شیروں کے ایک قابل عمل اور پائیدار طریقے سے منظم ہونے والے گروپ کے وجود کو یقینی بنانا ہے۔ ان کے جنگلی شکار کو ان کے قدرتی طور پر فراہم کرنا ہے۔ ان کی مناسب واپسی کی تیاری کے لیے ان کی رہائش گاہیں، اور خطے کے ساتھ ان کے بقائے باہمی کو یقینی بنانا ہے۔
اتھارٹی عرب چیتے، اس کے شکار اور اس کے مسکن کے تحفظ کے لیے مناسب قانون سازی اور اس پر عمل درآمد کرنے اور موجودہ اور ممکنہ مقامات میں اس کے زوال کا سبب بننے والے اہم عوامل کو کم کرنے کے ساتھ ساتھ ممالک، متعلقہ ایجنسیوں اور بین الاقوامی شراکت داروں کے درمیان موثر تعاون کو یقینی بنانے کے لیے کوشاں ہے۔اس کے لیے ایک جینیاتی اور آبادیاتی ذخیرہ فراہم کرنا جو چیتے کی افزائش نسل کے ذریعے عرب چیتے کی بقا میں مدد کا باعث بنے۔
عرب چیتے کے تحفظ کا پروگرام
سعودی عرب ماحولیاتی توازن کو برقرار رکھنے اور اسے متاثر ہونے والے خطرات سے بچانے کے لیے زمین پر براہ راست کارروائی کے ذریعے مسلسل سائنسی تحقیقی عمل اور انسانی کیڈرز کی تیاری کے ذریعے عرب چیتے کے تحفظ کے پروگرام کے اہداف کو حاصل کرنے کے لیے کام کر رہا ہے۔مملکت کے وژن 2030 کے مقاصد کو حاصل کرنے کے لیے ایک متحرک معاشرے کو فروغ دینے اور مقامی کمیونٹیز کے لیے پائیدار صلاحیت کی تعمیر کے ذریعے شاران نیچر ریزرو ان جگہوں میں سے ایک ہے جو عرب چیتے کو معمول کی زندگی میں واپس لانے کے لیے تیار کی گئی ہے۔ اس کے علاوہ چیتے کی افزائش نسل اور ان کی بقا کے لیے دیگر سائٹس مطالعہ اور تیاری کی جا رہی ہے۔
