سعودی عرب کے عسیر ریجن کی خمیس مشیط گورنری کے الحفائر سینٹر کے باسیوں کو سکول بس اور ٹرک کے درمیان ٹکر میں ایک طالبہ کہ ہلاکت نے مغموم کر دیا۔ اس حادثے میں کم سے کم 20 دوسری طالبات زخمی ہوئیں۔
ذرائع کے مطابق حادثہ بدھ کے روز سکول سے چھٹی کے بعد الحفائر سینٹر کے القاعہ میں ہوا، جس میں ایک طالبہ جان بحق جبکہ دوسری متعدد زخمی ہو گئیں۔
تصادم کی اطلاع ملتے ہی متعلقہ محکمے کے حکام جائے حادثہ پر پہنچ گئے۔ ایمرجنسی نیٹ ورک سے وابستہ افراد نے زخمیوں کی مرہم پٹی اور شدید زخمیوں کو خمیس مشیط اور المنصہ العام کے ہسپتالوں منتقل کیا۔
دریں اثنا عسیر کے گورنر شہزادہ ترکی بن طلال نے زخمیوں کی عیادت کی اور عسیر کے ڈائریکٹر پبلک ہیلتھ کو ہدایت کی کہ وہ ان کی جانب سے زخمیوں کا خصوصی خیال رکھیں۔
ماہرین نفسیات کی خصوصی ٹیم تشکیل دے دی گئی ہے جو تمام صورت حال کا جائزہ لے کر متوفیہ کے پس ماندگان کو ہر قسم کی امداد کی فراہمی کو یقینی بنائے گی۔
