یمن کے قریب سمندر میں ایک بحری جہاز پرڈرون اور کشتی سے دوہرا حملہ

برطانوی میری ٹائم ٹریڈ آپریشنز اتھارٹی نے اعلان کیا کہ اسے یمن کی المخا بندرگاہ کے شمال مغرب میں 64 ناٹیکل میل کے فاصلے پر ایک جہاز پر دہرے حملے کی اطلاع موصول ہوئی ہے، جس کے نتیجے میں جہاز کو معمولی نقصان پہنچا ہے۔

جہاز کے کپتان نے بتایا کہ آج ہفتہ کوجہاز پر دو حملے ہوئے۔ پہلا ڈرون کے ذریعے ہوا جو جہاز کے قریب پھٹا۔ اس سے معمولی نقصان ہوا۔ دوسرا ڈرون کشتی کے ذریعے کیا گیا جو جہاز کے قریب دھماکے سے پھٹ گیا۔

رائٹرز کے مطابق کپتان نے کہا کہ "جہاز اور اس کا عملہ محفوظ ہیں"۔

عدن کے ساحل پر

برطانوی میری ٹائم اتھارٹی کو آج صبح میں یمنی شہر عدن سے 83 ناٹیکل میل جنوب مشرق میں ایک واقعے کے بارے میں ایک رپورٹ موصول ہوئی۔ یہ واقعہ جمعہ کو دیر گئے پیش آیا تھا۔

اتھارٹی نے مزید کہا کہ اس واقعے کی تحقیقات کی جا رہی ہیں۔

بحیرہ احمر میں کشیدگی

قابل ذکر ہے کہ امریکی قیادت میں اتحاد کئی مہینوں سے بحری حملوں کے جواب میں یمن کے مختلف علاقوں میں حوثیوں کے ٹھکانوں کو نشانہ بنا کر چھاپے مار رہا ہے۔

واشنگٹن اور لندن کی مداخلت اور گزشتہ جنوری میں کشیدگی میں اضافہ ہونے کے بعد حوثی گروپ نے اعلان کیا تھا کہ اب اس نے تمام امریکی اور برطانوی جہازوں کو اپنے فوجی اہداف میں شامل کرلیا ہے۔