حزب اللہ رہنما حسن نصر اللہ کا جسد خاکی برآمد کر لیا گیا: ذرائع

حزب اللہ کے رہنما حسن نصراللہ کے جسد خاکی کو بیروت کے جنوبی مضافات میں اسرائیلی فضائی حملے کی جگہ سے برآمد کر لیا گیا ہے اور سلامت ہے، یہ بات ایک طبی ذریعے اور ایک سکیورٹی ذریعے نے اتوار کو رائٹرز کو بتائی۔

اگرچہ حزب اللہ کے ہفتے کے روز نصراللہ کی موت کی تصدیق کرنے والے بیان میں یہ نہیں بتایا گیا کہ دراصل وہ کیسے ہلاک ہوئے اور نہ ہی ان کی آخری رسومات کے وقت کے بارے میں کچھ بتایا گیا البتہ دونوں ذرائع نے کہا کہ ان کے جسم پر کوئی براہِ راست زخم نہیں تھا اور ایسا لگتا ہے کہ دھماکے کی طاقت سے ہونے والا اچانک اور شدید صدمہ ان کی موت کی وجہ بنا۔

گذشتہ پندرہ تباہ کن ایام کے دوران حزب اللہ کو اپنے ارکان کے زیرِ استعمال ہزاروں وائرلیس مواصلاتی آلات پر مہلک حملے کا سامنا کرنا پڑا جبکہ نصراللہ کی موت حزب اللہ کے لیے اب تک کا شدید ترین دھچکا ہے۔ اسرائیل نے بھی فضائی حملے تیز کر دیئے ہیں جن میں کئی کمانڈر ہلاک ہو گئے ہیں اور لبنان کے بیشتر علاقے نشانہ بنے ہیں۔