سعودی عرب میں ’ہیلتھ پروٹوکول‘ کی خلاف ورزی پر تین ایئر لائن کمپنیوں کو جرمانے

سعودی عرب کی وزارت صحت نے تین ممالک سے مدینہ منورہ کے شہزادہ محمد بن عبدالعزیز بین الاقوامی ہوائی اڈے پر پہنچنے کے بعد ہیلتھ کنٹرول سسٹم کی خلاف ورزی کرنے والی تین ایئر لائن کمپنیوں پر جرمانہ عائد کیا ہے۔ ان تین فضائی کمپنیوں کو ہیلتھ کنٹرول سسٹم کے انتظامی ضوابط کی خلاف ورزی کے الزامات کا سامنا ہے۔

وزارت صحت نے وضاحت کی کہ کمپنیوں کی خلاف ورزی مقامی علاقوں سے بیماریوں کے ویکٹروں سے نمٹنے کے لیے استعمال کیے جانے والے طریقہ کار پر عمل کرنے میں ناکامی تھی، کیونکہ انہوں نے طیاروں کو مخصوص معیارات کے مطابق کیڑے مار ادویات کا اسپرے نہیں کیا، اس طرح صحت کے طریقہ کار کی خلاف ورزی کی گئی تھی۔

وزارت صحت نے مزید کہا کہ یہ خلاف ورزیاں متاثرہ علاقوں سے آنے والے مسافروں کو بیماریوں کی منتقلی کو روکنے کے لیے ضروری احتیاطی تدابیر پر عمل کیے بغیر خلاف ورزی کرنے والی کمپنیوں کے طیاروں پر لے جانے کے دوران ہوئیں۔ اس کے بعد وزارت صحت نے ان کمپنیوں کے خلاف تادیبی اقدامات کیے ہیں تاکہ آیندہ کے لیے ایسی خلاف ورزیوں کا سد باب کیا جا سکے۔