دبئی : 'ایمریٹس ایئر لائن' نے بیروت کے لیے پروازوں کی معطلی 2025 تک بڑھا دی

ایمریٹس ایئر لائن نے اسرائیل کے بیروت پر حملوں کے پیش نظر بیروت کے لیے اپنی معطل کردہ پروازوں کو بحال کرنے کے بجائے اگلے سال تک معطل رکھنے کا فیصلہ کیا ہے۔

'ایمریٹس ' دنیا بھر کے طویل ترین فضائی روٹس پر سفری سہولیات فراہم کرنے والی فضائی کمپنی ہے۔ اس نے اپنی ویب سائٹ پر تصدیق کی ہے کہ لبنانی دارالحکومت کے لیے اس کی پروازیں اب مزید کئی ہفتے تک معطل رہیں گی۔ معطلی کا یہ دورانیہ 31 دسمبر 2024 تک جاری رہے گا۔

دبئی سے بیروت کے ذریعے اپنی آخری منزل کے طور پر جانے والے صارفین کو ان کے اصل مقام پر سفر کے لیے قبول نہیں کیا جائے گا۔ یہ سلسلہ عدم قبولیت 31 دسمبر تک جاری رہے گا۔

ویب سائٹ پر جاری کردہ بیان کے مطابق فلائٹ منسوخی سے متاثر ہونے والے صارفین کو متبادل سفری آپشنز کے لیے اپنے بکنگ ایجنٹس سے رابطہ کرنا چاہیے۔ اگر یہ بکنگ براہ راست ایمریٹس سے کرائی ہیں تو 'ایمریٹس' کے ساتھ براہ راست رابطہ کر سکتے ہیں۔

مزید کہا گیا ہے کہ صارفین پروازوں سے متعلق ' اپ ڈیٹ ' حاصل کرنے کے لیے اپنی بکنگ کے شیڈول کو چیک کرتے ہوئے اس بات کو یقینی بنائیں کہ ان کے پاس درست تفصیلات ہیں۔ ہم خطے کی صورتحال پر گہری نظر رکھے ہوئے ہیں اور ہر طرح کی پیش رفت کے حوالے سے متعلقہ حکام کے ساتھ رابطے میں ہیں۔

ایمریٹس نے حالیہ مہینوں میں مشرق وسطیٰ میں بڑھتی ہوئی کشیدگی اور لبنان میں اسرائیل کی جاری جارحیت کی وجہ سے اپنی پروازوں کے شیڈول میں بار بار تبدیلی کی ہے، جیسا کہ دیگرکمپنیوں نے بھی کی ہے۔