اسرائیلی فوج نے مغربی درعا کے دیہی علاقوں میں مزید پیش قدمی کی ہے:شام

اسرائیلی فورسز نے جنوبی شام میں اپنی نقل و حرکت جاری رکھتے ہوئے جمعہ کی رات ایک بار پھر مغربی درعا کے دیہی علاقوں میں یرموک طاس کے علاقے میں درانداز کی۔

درعا 24 نیوز نیٹ ورک نے ہفتے کے روز اطلاع دی ہے کہ اسرائیلی فوج کی ایک فورس گاڑیوں اور بکتر بند گاڑیوں پر"یرموک طاس کے علاقے میں معریہ گاؤں کے شمالی داخل ہوئی اور وہاں حملہ کیا"۔

نیٹ ورک نےکہا کہ اسرائیلی فوج "گاؤں کے مضافات میں الجزیرہ کی فوجی بیرکوں میں تعینات تھےجہاں علاقے کے آسمان پر شعلے بھڑک اٹھے۔"

یہ پیش رفت اس وقت سامنے آئی ہےجب اسرائیلی جاسوس طیاروں نے یرموک حوض ،درعا اور قنیطرہ کے کئی دوسرے قصبوں پر پروازیں ایک گھنٹے سے زیادہ جاری رکھیں۔

قبل ازیں اسرائیلی فوج نے جمعہ کو اعلان کیا تھا کہ اس نے وسطی شام میں دو فوجی اڈوں پر بمباری کی ہے۔ اسرائیلی فوج نے حال ہی میں تدمر اور تیاس کے شامی فوجی اڈوں پر بقیہ اسٹریٹجک فوجی صلاحیتوں کو نشانہ بنایا۔فوج نے ایک بیان میں بتایا کہ تیاس ایئر بیس کو نشانہ بنایا گیا ہے جو تدمر سے 50 کلومیٹر مغرب میں واقع ہے۔

پچھلے سال8 دسمبر کو بشار الاسد کے اقتدار کے خاتمے کے بعد سے اسرائیل نے شام میں سابق حکومت کے فوجی ٹھکانوں پر سینکڑوں حملے کیے ہیں۔

اسرائیل کا کہنا ہے کہ وہ سابق فوج کے ہتھیاروں کے ذخیرے کو نئے حکام کے ہاتھ میں جانے سے روکنا چاہتا ہے۔

اسرائیلی فوج نے شامی گولان کی پہاڑیوں میں اسرائیلی اور شامی افواج کے درمیان غیر فوجی علاقے میں گھس کر اپنی فوج تعینات کی ہے۔ اسرائیل نے گولان کی پہاڑیوں پر سنہ1967 میں قبضہ کیا اور 1981ء میں اس کا الحاق کیا گیا تھا۔