خلا سے لی گئی تصاویر پوسٹ، امریکی سفارت خانے کی جانب سے مصر کی تعریف

قاہرہ میں امریکی سفارت خانے نے بین الاقوامی خلائی سٹیشن سے مصر کی تصاویر پوسٹ کی ہیں اور تبصرہ کیا کہ مصر کو واقعی اس کے عوام نے نوازا ہے۔ سفارت خانے نے اپنے آفیشل فیس بک پیج پر کہا کہ یہ تصاویر بین الاقوامی خلائی سٹیشن کے لیے خلابازوں کی پروازوں سے لی گئی ہیں۔ انہوں نے مزید کہا کہ یہ تصاویر نہ صرف رات کے وقت قاہرہ کی روشنیاں دکھا رہی ہیں بلکہ شہر کی ترقی کو بھی واضح کر رہی ہیں۔

روشنی کی لکیر کے ساتھ دریائے نیل

امریکی سفارت خانہ نے مزید کہا "آپ اپنے سامنے دریائے نیل کو روشنی کی لکیر کے طور پر دیکھ سکتے ہیں اور آپ دیکھ سکتے ہیں کہ قاہرہ کس طرح نئے قاہرہ اور 6 اکتوبر سٹی جیسے نئے علاقوں کے ساتھ وسیع ہو رہا اور پھیلتا جا رہا ہے۔ امریکی سفارت خانے نے ان تصاویر کی اہمیت پر زور دیا کیونکہ یہ سائنسی آلات کی نمائندگی کرتی ہیں جو سائنسدانوں کو شہری توسیع، توانائی کی کھپت اور انفراسٹرکچر میں بہتری کو دیکھنے میں مدد کر رہے ہیں۔

سفارت خانہ نے اپنی بات کا اختتام کیا اور کہ جب ہم خلا سے دیکھتے ہیں تو ہمیں پتہ چلتا ہے کہ فاصلے کم ہو رہے ہیں اور ہمارے تعاون کے مواقع بڑھ رہے ہیں۔ خاص طور پر جب یہ ممالک ہماری اجتماعی ترقی کے لیے مل کر کام کرتے ہیں۔

امریکی سفارت خانے کی پوسٹ کو مصریوں کی طرف سے بہت زیادہ رد عمل ملا ۔ لوگوں نے اس پوسٹ پر بات چیت کی۔ بہت سے صارفین نے قاہرہ کی خوبصورتی اور ترقی اور عام طور پر مصر کی خوبصورتی پر فخر کا اظہار کیا اور کہا کہ مصر کے پاس ہمیشہ کچھ خوبصورت چیز پیش کرنے کے لیے ہوتی ہے۔