اپریل 2025ء کے چوتھے ہفتے کے دوران یمن میں بارودی سرنگوں کو صاف کرنے کے منصوبے’مسام‘ نے ملک کے مختلف علاقوں سے 1,488 بارودی سرنگیں ہٹا دی ہیں، جن میں تین اینٹی پرسنل بارودی سرنگیں، 46 اینٹی ٹینک بارودی سرنگیں، 1،437 نا پھٹنے والے آرڈیننس، اور دو بھاری بارودی سرنگیں شامل ہیں۔
عدن گورنری میں ’مسام‘ کی ٹیم نے الحدیدہ گورنریٹ کے حیس ڈسٹرکٹ میں 3 اینٹی پرسنل بارودی سرنگیں، 1,344 نہ پھٹنے والے آرڈیننس اور ایک اینٹی ٹینک بارودی سرنگ کو تلف کیا۔ لحج گورنری میں ضلع تبن میں ایک نہ پھٹنے والا گولہ، لوہط میں ایک نہ پھٹنے والا آرڈیننس اورالمضاربہ میں پانچ نہ پھٹنے والے گولے تلف کیے۔
مآرب گورنری کے مآرب ڈاریکٹوریٹ میں ٹیم نے 42 اینٹی ٹینک بارودی سرنگیں اور دو دھماکہ خیز آلات تلف کیے۔ شبوہ گورنری کے اسیلان علاقے میں ٹیم نےنہ پھٹنے والے 19 ہتھیاروں کو تلف کیا۔ تعز گورنری میں ٹیم نے ضلع المخا میں 38 نا پھٹنے والے گولے، 3 اینٹی ٹینک بارودی سرنگیں، ذباب میں 36 نہ پھٹنے والے گولے، المظفر ڈاریکٹوریٹ میں ایک نہ پھٹنے والا گولہ اور ضلع موزع میں دو نہ پھٹنے والے آرڈیننس کو ہٹا دیا۔
پچھلے ماہ اپریل میں یمن میں ہٹائی گئی بارودی سرنگوں کی تعداد 4,036 ہو گئی ہے، جب کہ مسام منصوبے کے آغاز سے ہٹائی گئی بارودی سرنگوں کی تعداد 490,144 ہو گئی ہے۔ یہ بارودی سرنگیں یمنی سرزمین پر تصادفی طور پر بچھائی گئی تھیں جو معصوم بچوں، عورتوں اور بوڑھوں کی جانیں لے رہی تھیں۔
