غزہ میں امدادی کارکنان نے کہا ہے کہ اسرائیلی فضائی حملوں میں پیر کے روز فلسطینی علاقے میں کم از کم 22 افراد ہلاک ہو گئے جب فوج نے زیادہ شدت سے ایک وسیع حملہ کیا۔
مرکزی جنوبی شہر خان یونس میں اور اس کے آس پاس شدید حملے ہوئے جن میں سول ڈیفنس ایجنسی کے ترجمان محمود بسال کے مطابق 11 افراد ہلاک اور متعدد زخمی ہو گئے اور اس کے ساتھ ہی قریبی اباسان میں ایک اور شخص ہلاک ہو گیا۔
انہوں نے کہا کہ شمالی قصبے جبالیا کے مغرب میں ایک بازار کے قریب ایک فضائی حملے میں پانچ افراد لقمۂ اجل بن گئے۔
غزہ کے وسط میں واقع شہر نصیرات میں خیمے پر فضائی حملے میں ایک ہی خاندان کے تین افراد جبکہ شمال میں غزہ شہر میں ایک خیمے پر ایک اور حملے میں دو افراد ہلاک ہوئے۔
بسال نے کہا کہ بیت لاہیا کے انڈونیشیئن ہسپتال میں بھی ہلاکتوں کی اطلاعات ہیں لیکن مسلسل گولہ باری کی وجہ سے لاشیں نہیں نکالی جا سکیں۔
غزہ کی وزارتِ صحت نے اسرائیلی فوج پر ہسپتال کا محاصرہ کرنے کا الزام لگایا ہے جس سے وہ "مؤثر طریقے سے ہسپتال بیکار ہو گیا۔"
اسرائیلی فوج نے پیر کو کہا ہے کہ وہ اپنی نئی تیز مہم کو جاری رکھے ہوئے ہے جو "پورے غزہ کی پٹی میں کارروائی کر رہی ہے۔"
