اے ایف پی کی جانب سے ناسا کے سیٹلائٹ ڈیٹا کے تجزیئے کے مطابق غزہ کی پٹی جو جنگ شروع ہونے کے بعد سے بہت حد تک اسرائیل کی طرف سے بجلی سے محروم ہے، وہ رات کے وقت سات اکتوبر 2023 سے پہلے کی نسبت سات گنا کم روشن نظر آتی ہے۔
تنازعہ سے پہلے کے پانچ مہینوں کے مقابلے میں اس سال جنوری اور مئی کے درمیان سیٹلائٹ تصاویر میں دکھایا گیا ہے کہ علاقہ تاریکی میں ڈوبا ہوا تھا۔
فضا سے دیکھنے پر غزہ شہر کی رات کی چمک جنگ سے پہلے اور بعد کی درمیانی مدت میں 16 کے تناسب سے کم ہو گئی ہے۔
ایک ہی بجلی گھر
اقوامِ متحدہ کے رابطہ دفتر برائے انسانی امور (اوچا) کے اعداد و شمار کے مطابق 2022 میں فلسطینی علاقے کو روزانہ اوسطاً 12 گھنٹے بجلی فراہم کی جاتی تھی۔
یہ اعداد و شمار 2024 میں صفر ہو گئے۔
اسرائیل نے جنگ کے ابتدائی دنوں سے ہی غزہ کی پٹی پر سخت پابندیاں عائد کر دیں بشمول ایندھن پر۔
ایندھن کی کمی کی وجہ سے غزہ کے واحد بجلی گھر نے تنازع کے شروع میں کام کرنا چھوڑ دیا اور اسرائیل سے آنے والی بجلی کی لائنیں کاٹ دی گئیں۔
ان دونوں ذرائع سے مشترکہ طور پر 2022 میں غزہ کی بجلی کی طلب کا 43 فیصد پورا ہوا اور باقی پورا نہیں ہوا۔
صحرا کی طرح تاریک
اے ایف پی نے ناسا کے بلیک ماربل پروجیکٹ کا تجزیہ کیا جو زمینی چمک کی تقریباً روزانہ پیمائش کرتا ہے۔ یہ کسی سطحی علاقے سے خارج ہونے والی چمکیلی روشنی کی طاقت کا تجزیہ ہوتا ہے۔
یہ فلسطینی سرزمین کے اندر 500 میٹر کے فاصلے پر واقع 2,100 مختلف مقامات پر اس روشنی کی پیمائش کو ممکن بناتا ہے۔
یہ اعداد و شمار 10 اکتوبر اور 11 اکتوبر 2023 کے درمیان روشنی میں تیزی سے کمی ظاہر کرتے ہیں جو غزہ کا واحد پاور پلانٹ کے بند ہونے کی تاریخ تھی۔
اس علاقے کے بعض حصے جو جنگ سے پہلے آبادی والے علاقے تھے، اب جزیرہ نما سینائی جیسے صحرائی علاقوں کی طرح مدھم روشن ہوتے ہیں۔
بلیک ماربل کے ڈیٹا میں صرف مخصوص مقامات مثلاً جنریٹرز سے آراستہ ہسپتال رات کے وقت قابلِ شناخت ہوتے ہیں۔ مثلاً جنوبی غزہ میں خان یونس کے باقی ہسپتالوں کے مقابلے میں جنوری اور مئی 2025 کے درمیان یورپیئن ہسپتال 70 فیصد زیادہ بہتر نظر آتا ہے۔
غزہ میں ایک علاقہ جہاں رات کے وقت روشنی مستقل رہتی ہے وہ فلاڈیلفی کوریڈور ہے جو اسرائیلی فوج کے زیرِ قبضہ غزہ اور مصر کے درمیان سرحد کے ساتھ زمین کی ایک پٹی ہے۔
اور اس کے جنوب مشرقی سرے پر کریم شالوم راہداری جو انسانی امداد کے ٹرکوں کے لیے استعمال ہوتی ہے، واحد علاقہ ہے جو جنگ شروع ہونے سے پہلے کی نسبت آج زیادہ روشن ہے۔
