سعودی وزیرِ داخلہ کا کویت میں صباح الاحمد کوسٹ گارڈ مرکز کا دورہ
بحری سلامتی اور سرحدی تحفظ کو بہتر کرنے کا عزم
سعودی وزیرِ داخلہ شہزادہ عبدالعزیز بن سعود بن نائف نے کویت میں صباح الاحمد کوسٹ گارڈ مرکز کا دورہ کیا جس کا مقصد بحری سلامتی میں تعاون بہتر کرنے میں مدد دینا ہے۔ ان کے ہم منصب شیخ فہد یوسف سعود الصباح نے ان کا استقبال کیا۔
کویت کوسٹ گارڈ کے ڈائریکٹر جنرل میجر جنرل شیخ مبارک علی یوسف الصباح نے پیر کے روز سعودی وفد کو میری ٹائم فورس کے مشن اور ذمہ داریوں بشمول بندرگاہوں اور علاقائی پانیوں کو محفوظ بنانے کے آپریشنز کے بارے میں بریفنگ دی۔
سعودی پریس ایجنسی کے مطابق شہزادہ عبدالعزیز نے جہازوں کو دیکھا اور آپریشن رومز اور موبائل کمانڈ اینڈ مانیٹر سینٹر سمیت سہولیات کا دورہ کیا۔
کویت نیوز ایجنسی نے کہا کہ یہ دورہ بحری سلامتی کو مستحکم کرنے، سرحدی تحفظ بہتر کرنے اور جدید ٹیکنالوجیز میں مہارت کے اشتراک کے لیے ممالک کے عزم کو اجاگر کرتا ہے۔
اس دورے میں کویت میں سعودی سفیر شہزادہ سلطان بن سعد بن خالد سمیت کئی سینئر سکیورٹی اور وزارتی حکام شریک ہوئے۔
