شاہ حسین پُـل کی سرحدی چوکی پر فائرنگ ، 2 اسرائیلی سکیورٹی اہل کار ہلاک

العربية نامہ نگار کے مطابق اسرائیل اور اردن کے درمیان واقع شاہ حسین پل کی سرحدی چوکی پر فائرنگ کے نتیجے میں دو اسرائیلی سکیورٹی اہل کار ہلاک ہو گئے، واقعے کے فوراً بعد سرحدی چوکی بند کر دی گئی۔

اسرائیلی ایمبولینس نے بتایا کہ فائرنگ سے کئی افراد شدید زخمی بھی ہوئے جن میں سکیورٹی اہل کار شامل ہیں۔

اسرائیلی فوج کے ریڈیو کا کہنا ہے کہ تینوں مسلح افراد اردن سے آئے تھے اور انھوں نے سرحدی چوکی کے سامنے سامان لوڈنگ کے علاقے میں کارروائی کی۔

یہ سرحدی چوکی اردن اور اسرائیل کے درمیان تجارتی گزرگاہ کے طور پر اہمیت رکھتی ہے۔

ستمبر 2024 میں بھی ایک مسلح شخص جو اردن سے داخل ہوا تھا، اس نے سرحدی چوکی پر تین اسرائیلی شہریوں کو ہلاک کر دیا تھا جس کے بعد سکیورٹی فورسز نے اسے ہلاک کر دیا۔ اس حملے کے نتیجے میں اُس وقت بھی سرحدی چوکی دو دن کے لیے بند رہی تھی۔