مصر اور قطر کے درمیان 7.5 ارب ڈالر مالیت کے 'ریئل اسٹیٹ' معاہدے پر اتفاق

مصر اور قطر نے 'ریئل اسٹیٹ' ڈویلپمنٹ سے متعلق ایک معاہدے پر اتفاق کیا ہے۔ یہ معاہدہ بحر متوسط کے کنارے مصر کے صوبے میں 'ریئل اسٹیٹ' کے منصوبوں کے لیے ہوگا۔

اس امر کا اعلان مصری کابینہ نے پیر کے روز اپنے ایک بیان میں کیا ہے کہ دونوں ملک جلد معاہدہ کرنے والے ہیں اور اس دو طرفہ شراکت داری پر مبنی معاہدے کی مالیت 7.5 ارب ڈالر ہوگی۔

مصر اور قطر نے اتفاق کیا ہے کہ وہ شراکت داری کے اس پیکج کو جلد عملی شکل دیں گے۔ جس کے نتیجے میں مصر میں قطری سرمایہ کاری کو فروغ ملے گا۔

نیز مصر کی غیر ملکی قرضوں تلے دبی معیشت کو سہارا ملے گا اور خسارے کے مصری بجٹ میں کمی آئے گی۔