سعودی ولی عہد نے شاہ سلمان فضائی اڈے کا افتتاح کر دیا

سعودی ولی عہد اور وزیرِ اعظم شہزادہ محمد بن سلمان نے آج دار الحکومت ریاض میں شاہ سلمان فضائی اڈے کے وسطی سیکٹر کے مراکز کا افتتاح کیا۔ یہ افتتاح سعودی روئل ایئرفورس کی جنگی تیاری کو مضبوط بنانے کے لیے جاری تزویراتی ترقیاتی منصوبوں کا حصہ ہے۔

شاہ سلمان سلمان بن عبدالعزیز فضائی اڈا 115 عمارتوں پر مشتمل ہے جن کا مجموعی رقبہ 1 لاکھ 26 ہزار مربع میٹر سے زائد ہے۔ ان میں مرکزی اور متوازی رن ویز، طیاروں کی پارکنگ کے لیے وسیع سائے، ہیلی کاپٹر لینڈنگ زون، طیاروں کے ہینگر، ایئر ٹریفک کنٹرول ٹاور اور فنی، انتظامی، رہائشی اور حفاظتی سہولتیں شامل ہیں۔

اس منصوبے پر عمل درآمد کا ابتدائی مرحلہ 2021 کی تیسری سہ ماہی میں شروع ہوا، جبکہ وسطی سیکٹر میں شاہ سلمان فضائی اڈے کی تعمیر میں تقریباً 38 ماہ لگے۔ اڈے کو “سلمانی طرز” کے مطابق ڈیزائن کیا گیا ہے تاکہ ریاض کی معمارانہ شناخت کو اجاگر کیا جا سکے اور شہر کی جدید عمرانی ترجیحات سے ہم آہنگ رہے۔

سعودی وزیرِ دفاع شہزادہ خالد بن سلمان نے پلیٹ فارم "ایکس" پر اپنے بیان میں کہا "وزارتِ دفاع میں ہمیں یہ اعزاز حاصل ہوا کہ ہم محترم ولی عہد اور وزیرِ اعظم (حفظہ الل) کی موجودگی میں شاہ سلمان فضائی اڈے کے وسطی سیکٹر کی سہولتوں کی افتتاحی تقریب میں شریک ہوئے۔ عالی مرتبت کی یہ عنایت وزارت کی مسلسل ترقی اور عسکری و دفاعی صلاحیتوں میں اضافے کے لیے ان کی خصوصی توجہ کی عکاسی کرتی ہے، تاکہ وطن کے امن کا تحفظ یقینی بنایا جا سکے۔"