انقلاب کی سالگرہ سے پہلے ایرانی قوم عزم کا اظہار کرکےدشمن کوایک بار پھرمایوس کردے:خامنہ ای

ایرانی سپریم لیڈر علی خامنہ ای نے ایرانی قوم پر زور دیا ہے کہ انقلاب کی سالگرہ سے پہلے قوم اپنے عزم کا اظہار کرے۔ انہوں نے یہ بات پیر کے روز کہی ہے۔

ایران اسی ہفتے اپنی 1979 کے انقلاب کی سالگرہ منانے جا رہا ہے۔

علی خامنہ ای نے کہا جب سے انقلاب آیا ہے غیر ملکی طاقتیں انقلاب سے پہلے والی صورت حال کو بحال کر کے شاہی نظام واپس لانا چاہتی ہیں۔ کیونکہ شاہ ایران کے دور حکومت میں انہوں نے ایران کو امریکہ کا دست نگر اور محتاج بنا رکھا تھا۔

سپریم لیڈر نے کہا قومی قوت میزائلوں اور جنگی جہازوں سے بھی بڑھ کر ہوتی ہے۔ اس لیے قوم دشمنوں کے سامنے عزم و یکجہتی کا اظہار کرتے دشمن کو ایک بار پھر مایوسی میں مبتلا کر دیں۔