کے ایس ریلیف کی طرف سے تین ممالک میں خوراک اور صحت کے امدادی منصوبے

سعودی عرب کی امدادی ایجنسی کے ایس ریلیف نے خان یونس، غزہ میں مستحق اور کمزور طبقات میں 1,781 کھانے کی ٹوکریاں تقسیم کیں جس سے 10,686 افراد مستفید ہوئے۔

ایجنسی کے مرکزی باورچی خانے سے بھی تازہ کھانوں کی تقسیم جاری رہی جس سے وسطی اور جنوبی غزہ کے مستحق افراد کو 25,000 کھانے فراہم کیے گئے۔

مالی میں کے ایس ریلیف نے سیگو اور کولیکورو کے علاقوں میں ضرورت مند خاندانوں اور معذور افراد میں کھانے کی 917 ٹوکریاں تقسیم کیں جس سے 5,500 افراد مستفید ہوئے۔

ایجنسی نے یمن کی ابیان گورنری میں بھی کمزور ترین خاندانوں کو کھانے کی 600 ٹوکریاں فراہم کیں جس سے 4,200 افراد مستفید ہوئے۔

دریں اثناء المہرۃ گورنری میں کے ایس ریلیف کے تعاون یافتہ ڈائیلاسز سینٹر نے ایک ماہ میں 134 مریضوں کو طبی خدمات فراہم کیں۔

عدن گورنری میں مصنوعی اعضاء اور بحالی کے مرکز نے ایک ماہ کے دوران 659 مستفیدین کو 1,945 طبی خدمات فراہم کیں جو اعضاء سے محروم ہو چکے تھے۔

خدمات میں مصنوعی اعضاء کی تیاری، فٹنگ اور بحالی کے ساتھ ساتھ جسمانی تھراپی اور خصوصی مشاورت شامل تھی۔