ایران کی آئی آر جی سی سے تعاون پر بحرین میں نو افراد کو عمر قید کی سزا

اتوار کو بحرین کی سرکاری خبر رساں ایجنسی نے بتایا کہ ملک کی ایک عدالت نے ایران کے پاسدارانِ انقلاب سے تعاون کرنے کے جرم میں نو مدعا علیہان کو عمر قید اور دو دیگر کو تین سال قید کی سزا سنائی ہے۔ ان افراد کے جرائم کو بحرین کے خلاف "دشمنانہ اور دہشت گردانہ کارروائیاں" قرار دیا گیا ہے۔

بیان میں کہا گیا کہ مدعا علیہان حساس مقامات کے بارے میں معلومات جمع کرنے اور متعلقہ مالیاتی منتقلی کی سہولت کاری میں ملوث تھے۔

بحرین کی وزارتِ داخلہ نے نو مئی کو کہا تھا کہ اس نے 41 افراد کو گرفتار کیا جن کا تعلق آئی آر جی سی سے تھا۔

واضح رہے کہ جنگ کے دوران ایران نے بحرین اور دیگر خلیجی عرب ریاستوں میں امریکی فوجی مراکز پر حملے کیے ہیں۔