کوئٹہ بم دھماکے میں 14 افراد جاں بحق، بیسیوں زخمی

پاکستان کے صوبے بلوچستان کے دارالحکومت کوئٹہ میں دھماکے سے 14 افراد جاں بحق جبکہ بیسیوں زخمی ہو گئے ہیں ۔

تفصیلات کے مطابق دھماکہ بدھ کی صبح کوئٹہ کے علاقے سیٹلائیٹ ٹاون میں انسداد پولیو مہم کے آفس کے قریب ہوا۔ دھماکے کی زد میں آ کر جان بحق ہونے والوں میں 13 پولیس اہلکار اور ایک ایف سی کا جوان شامل ہے۔

دھماکے کے بعد صوبائی وزیر سرفراز بگٹی نے میڈیا نمائندوں سے بات کرتے ہوئے اس بات کا خدشہ ظاہر کیا کہ بظاہر یہ خودکش دھماکہ لگتا ہے لیکن ابھی حتمی کچھ کہنا قبل از وقت ہے۔ ہلاک اور زخمی ہونے والوں کا فوری طور پر قریبی ہسپتال منتقل کر دیا گیا ہے ۔

پاکستان کے وزیراعظم میاں محمد نواز شریف اور صدر پاکستان ممنون حسین نے دھماکے کی پر زور مذمت کی ۔