ایران میں امریکہ و اسرائیل کی شروع کی گئی جنگ کے بعد تیل کی ترسیل میں آنے والی دقتوں کے باعث عالمی منڈی میں تیل کی قیمت بڑھ رہی ہے۔ پاکستان میں مذہبی امور کے وزیر سردار محمد یوسف کے مطابق پاکستان نے کئی فضائی کمپنیوں کے ساتھ معاہدوں پر دستخط کیے ہیں تاکہ عازمین حج کے لیے اخراجات میں اضافہ نہ ہو۔
وزیر مذہبی امور سردار محمد یوسف نے اس تناظر میں کہا ہے کہ حج 2026 کے لیے پاکستانی عازمین حج کے اخراجات میں امکان ہے کہ مہنگائی کی لہر کے باوجود نہیں بڑھیں گے۔ خیال رہے سردار محمد یوسف نے کہا ہے پچھلے ماہ ہی حج سے متعلق انتظامات کو حتمی شکل دے دی گئی تھی۔ اس تناظر میں پاکستان سے حج پروازوں کا آغاز 18 اپریل سے شروع ہو جائے گا۔
انہوں نے کہا ہمارا کئی فضائی کمپنیوں سے اس سلسلے میں اتفاق ہو گیا ہے کہ وہ عازمین حج کو پہلے سے طے شدہ پیکج کے مطابق سفری سہولیات فراہم کریں گی اور کرایوں میں عازمین حج کے لیے اضافہ نہیں ہوگا۔ رپورٹرز سے گفتگو میں سردار یوسف نے کہا ہمارے عازمین حج کے اخرجات میں اضافہ نہیں ہوگا۔
وزارت مذہبی امور کے مطابق رواں سال 179210 پاکستانی عازمین حج روانہ ہوں گے۔ ان میں 119210 عازمین حج سرکاری سکیم کے تحت جائیں گے۔ جبکہ 60000 پاکستانی عازمین حج نجی ٹور آپریٹرز کے توسط سے ہوگی۔ یہ سب عازمین طے شدہ شیڈول کے تحت سعودی عرب روانہ ہوں گے۔
