اسرائیل کی حیران کن لابنگ، حمایت کی درخواست کی ای میل عراقی وکلا کو بھی بھیج دی

عراق میں وکلا میں اس وقت حیرت کی کیفیت پھیل گئی جب انہیں ایک عجیب خط موصول ہوا۔ اس خط میں غزہ کی پٹی میں جاری جنگ میں اسرائیل کی حمایت اور جنگ کے مقصد کی حمایت کامطالبہ کیا گیا تھا۔

پیر کے روز عراقی بار ایسوسی ایشن احلام اللامی نے پلیٹ فارم ’’ ایکس‘‘ پر ایک کمنٹ میں اسرائیلی پیغام کی تصویر بھی شیئر کی۔ ایسوسی ایشن نے بتایا کہ اس نے اپنی آنکھوں کے سامنے اسرائیلی بار ایسوسی ایشن کا ایک پیغام دیکھا جو سرکاری ای میل کے ذریعے عراقی بار ایسوسی ایشن کو پہنچا تھا۔ اس پیغام میں ان کے مقصد کی حمایت کرنے کی درخواست کی گئی تھی۔

ایک لکھنے والے نے یہ بھی پوچھا کہ مجھے نہیں معلوم کہ وہ کس وجہ کا حوالہ دے رہے ہیں۔ کیا ان کے پاس کوئی درست وجہ ہے؟ ۔ اس نے کہا یہ ایک بڑی سرد مہری ہے۔ اس پیغام پر اسرائیلی یونین کے سربراہ امیت بیکر کے دستخط تھے۔

اس نے امیت کو جواب دیتے ہوئے کہا کہ کیا آپ جانتے ہیں کہ عرب وکلا سب سے پہلے فلسطین کے لیے اٹھے اور ان کے کاز کا دفاع کیا۔ یہ دفاع ختم نہیں ہوا اور نہ ہی ہوگا۔

یہ پیغام اس وقت سامنے آیا جب دنیا بھر کی اسرائیلی انجمنیںاور بہت سی میڈیا لابیز اسرائیلی موقف اور بیانیے کی حمایت کے لیے سرگرم ہوگئی ہیں۔ اسرائیلی فوج نے محصور غزہ کی پٹی پر سترویں روز بھی بمباری جاری رکھی اور 400 سے زیادہ فلسطینیوں کو جاں بحق کردیا ہے۔