حج 1444: پانچ لاکھ 85 ہزار عازمین کی مدینہ آمد

مدینہ منورہ میں حج 1444 ھ کی ادائیگی سے قبل زمینی اور فضائی سفر طے کر کے آنے والے عازمین حج کی تعداد پانچ لاکھ 85 ہزار 932 تک پہنچ گئی۔

سعودی خبر رساں ایجنسی ایس پی اے نے مدینہ کی حج اور وزٹ کمیٹی کے حوالے سے بتایا کہ بدھ کے روز آنے والے عازمین کی تعداد 28 ہزار 531 رہی۔

عازمین حج کی مدینہ میں آمد۔ تصویر ایس پی اے

عازمین حج کی مدینہ میں آمد۔ تصویر ایس پی اے

کمیٹی کے مطابق مدینہ سے مکہ جانے والے عازمین کی تعداد 4 لاکھ 71 ہزار 51 ہوگئی جبکہ ابھی ایک لاکھ 14 ہزار 830 عازمین مدینہ میں موجود ہیں۔