برطانیہ کی یورپی یونین سے علاحدگی کا احترام کرتے ہیں: اوباما

امریکی صدر براک اوباما نے کہا ہے کہ ان کا ملک برطانیہ کے یورپی یونین سے علاحدگی کے فیصلے کا احترام کرتا ہے۔ ان کا کہنا ہے کہ علاحدگی کے فیصلے سے امریکا اور برطانیہ کے درمیان تعلقات متاثر نہیں ہوں گے۔ واشنگٹن لندن کے ساتھ رابطے برقرار رکھے گا۔

اپنے ایک بیان میں صدر اوباما نے کہا کہ ہم برطانیہ کے یورپی یونین سے علاحدگی کے فیصلے کا احترام کرتے ہیں۔ یورپی یونین سے علاحدگی کے باوجود برطانیہ اور یورپ ایک برادری کے طور رہیں گے اور ایک دوسرے کی ضرورت سے بے نیاز نہیں ہوسکتے۔ امریکا کے لیے یورپی یونین اور برطانیہ سب یکساں اہمیت کے حامل ہیں اور دونوں سے ہر سطح پر بات چیت جاری رہے گی۔