غزہ کا بد ترین محاصرہ ، مسلسل بمباری، فلسطینیوں کی نسل کشی ہے۔ ایرانی وزیرخارجہ

ایرانی وزیر خارجہ نے اسرائیل کی طرف سے غزہ پر بمباری اور اس کے محاصرے کو مزید سخت کر دیے جانے کو فلسطینیوں کی نسل کشی کرنے کے مترادف قرار دیا ہے۔ ایران کے سرکاری ٹی وی کے مطابق وزیر خارجہ حسین امیر عبداللہیان نے اس امر کا اظہار عراق کے دورے پر روانہ ہونے سے پہلے کیا ہے۔

ان کا کہنا تھا ' آج اسرائیلی وزیر خارجہ نیتن یاہو اور صہیونیوں کی طرف سے غزہ کے شہریوں کے خلاف جنگی جرائم جاری ہیں۔ غزہ کا محاصرہ ، شہریوں کے پینے تک کا پانی بند کرکے انہیں پیاس سے مارنے کی کوشش اور خوراک کی فراہمی کے امکانات کو ہر طرف سے محاصرہ سخت کر کے ختم کر دینا یہ سب فلسطینی کی نسل کشی کے مترادف ہے۔

وزیر خارجہ ایران نے کہا ' غزہ کی پٹی پر جو بمباری کی جارہی ہے یہ صرف حماس کے خلاف صہیونی جنگ نہیں ہے بلکہ یہ تمام تر فلسطینیون کے خلاف جنگ ہے۔ یہ فلسطینیوں کی نئی نسل کا قتل عام ہے ۔