روس: یوکرینی جنگی قیدیوں کو لے جانے والا طیارہ حادثے کا شکار

روسی وزارت دفاع نے اعلان کیا ہے کہ یوکرین کے جنگی قیدیوں کو لانے والا فوجی طیارہ بلگورود کے علاقے میں گر کر تباہ ہو گیا۔

طیارے میں 65 جنگی قیدی سوار تھے

روسی وزارت دفاع کے مطابق بلگورود میں دن تقریبا گیارہ بجے کے قریب گر کر تباہ ہونے والے الیوشن 76 طیارے میں 65 یوکرینی جنگی قیدیوں کے ساتھ عملے کے چھ افراد بھی سوار تھے۔

وزارت دفاع کے مطابق روسی فضائیہ کی ایک کمیٹی تحقیقات کے لیے جائے حادثہ کو روانہ کر دی گئی ہے۔

طیارہ تین میزائلوں کا نشانہ

دریں اثنا روسی پارلیمان کے رکن اور سابق فوجی جنرل آندرے کرتاپلوو کا کہنا ہے کہ فوجی طیارے کو یوکرین کی جانب سے تین میزائلوں سے نشانہ بنایا گیا۔