امریکی حکام کا دورہ گرین لینڈ نامناسب ہے: ڈنمارک

ڈنمارک کے وزیر خارجہ نے امریکی حکام کے متوقع دورہ کو نامناسب قرار دے دیا۔ یاد رہے امریکی مشیر قومی سلامتی نے ڈنمارک کے علاقے گرین لینڈ کے دورے کااعلان کیا ہے۔

ڈینش وزیر خارجہ لارس لوککے راسموسن نے کہا ہے کہ گرین لینڈ میں ابھی انتخابات ہوئے ہیں اور وہاں کوئی حکومت نہیں ہے۔ ان حالات میں اس خود مختار علاقے کا دورہ کرنا "نامناسب" ہو گا جسے امریکی صدر ڈونلڈ ٹرمپ امریکہ میں ضم کرنا چاہتے ہیں۔

بیرونی مداخلت

اس سے قبل گرین لینڈ کے سبکدوش ہونے والے وزیر اعظم میوٹ ایج نے امریکی وفد کی جانب سے جمعرات کو خود مختار ڈنمارک کے جزیرے کے دورے پر مشتمل "غیر ملکی مداخلت" کی مذمت کی ہے۔ انہوں نے فیس بک پر لکھا ہے کہ ہمیں کسی بیرونی مداخلت کے بغیر اپنے اتحاد اور جمہوریت کا احترام کرنے کی ضرورت پر زور دینا چاہیے۔

انہوں نے کہا آنے والے امریکی وفد سے کوئی ملاقات نہیں ہوگی۔ امریکی وفد میں امریکی قومی سلامتی کے مشیر مائیک والٹز اور امریکی نائب صدر جے ڈی وینس کی اہلیہ اوشا وینس شامل ہوں گی۔

وائٹ ہاؤس نے اتوار کو ایک بیان میں اعلان کیا تھا کہ اوشا وینس جمعرات سے ہفتہ تک گرین لینڈ کا دورہ کرنے، تاریخی مقامات کا معائنہ کرنے، گرین لینڈ کے ورثے کے بارے میں جاننے اور قومی سلیج ڈاگ ریس دیکھنے کا ارادہ رکھتی ہیں۔

ٹرمپ کی گرین لینڈ ضم کرنے کی تجویز

قانون سازی کے انتخابات میں ماحول کے تحفظ کے لیے سرگرم اپنی بائیں بازو کی جماعت کی شکست کے بعد نئی حکومت کی تشکیل کے منتظر ایگڈے وزیر اعظم کے عہدے پر فائز ہیں۔ ان کے ممکنہ جانشین جیتنے والے ڈیموکریٹک پارٹی کے رہنما جینس فریڈرک نیلسن نے حال ہی میں امریکی صدر ڈونلڈ ٹرمپ کے گرین لینڈ کے الحاق سے متعلق بیانات کو "غلط جگہ" قرار دیا۔

مارچ کے وسط میں ٹرمپ نے اپنے یقین کا اظہار کیا کہ ان کے ملک سے گرین لینڈ کا الحاق بالآخر "ہو جائے گا اور اس سے "بین الاقوامی سلامتی" میں اضافہ ہوگا۔