یوکرین غیرمشروط طور پر جنگ بندی کے لیے تیار ہے، فرانسیسی صدر میکروں

فرانس کے صدر عمانویل میکروں نے ہفتہ کے روز کہا ہے کہ ایک بہت مثبت تبادلہ خیال یوکرینی صدر کے ساتھ ہوا ہے۔

یوکرین کے صدر زیلنسکی غیرمشروط طور پر روس کے ساتھ جنگ بندی کے لیے تیار ہیں اور اس سلسلے میں برطانیہ و فرانس کا اتحاد مزید کامیابی کے لیے کوشاں رہے گا۔ یہاں تک کہ یوکرین میں پائیدار امن قائم ہو جائے۔

فرانس کے صدر نے سوشل میڈیا پلیٹ فارم 'ایکس' پر لکھا ہے 'ہمارا مقصد یوکرین کی جنگ کا خاتمہ ہے۔ اس مقصد میں ہم صدر ٹرمپ کے ساتھ شریک ہیں اور خوشی کی بات یہ ہے کہ یوکرین کے صدر زیلنسکی نے مجھ سے آج ہی دوبارہ کہا ہے کہ وہ امریکہ اور یورپی دوستوں کے ساتھ مل کر جنگ بندی کے لیے کوششیں کرنے کو تیار ہیں اور ان کوششوں کے اثرات چاہتے ہیں۔ '