"محلات صفائی سے شاہی اصولوں تک، بکنگھم پیلس میں وہ ایک چیز جو کبھی استعمال نہیں ہوتی"

بکنگھم پیلس کی چمکتی دمکتی راہداریوں، نفیس باتھ رومز اور شاہی باورچی خانوں کے پیچھے ایک دلچسپ حقیقت چھپی ہے،وہ صاف صفائی کا ایک معروف اور عام استعمال ہونے والا پراڈکٹ جو یہاں سختی سے ممنوع ہے۔

برطانوی اخبار "ڈیلی میل" کے مطابق سابق شاہی خادمہ آن سائمنز جنہوں نے 57 برس کی عمر تک بکنگھم پیلس کی 775 کمروں پر مشتمل رہائش گاہ میں ایک دہائی سے زائد عرصہ صفائی کی خدمات انجام دیں نے انکشاف کیا ہے کہ کنگ چارلس** نے **"ون ٹائم یوز" والی گیلی وائپس** (مناديل مبللة) کے استعمال پر مکمل پابندی عائد کر رکھی ہے۔

آن سائمنز نے معروف صفائی برانڈ "بلوم ورلڈ" سے گفتگو میں بتایا کہ گیلی وائپس کے استعمال سے قصر کے باتھ رومز میں بارہا پلمبنگ کے سنگین مسائل پیدا ہوئے جن کی مرمت پر بھاری لاگت آئی۔ اگرچہ یہ وائپس اکثر “قابلِ تحلیل” کہہ کر فروخت کی جاتی ہیں مگر حقیقت میں یہ نظام نکاسی کے لیے زہرِ قاتل ثابت ہوتی ہیں۔

ماحولیاتی تحفظ بھی بادشاہ کی ترجیح

"سائمنز "نے مزید انکشاف کیا کہ یہ پابندی صرف تکنیکی خرابیوں تک محدود نہیں بلکہ بادشاہ چارلس کی ماحول دوستی بھی اس فیصلے کی ایک بڑی وجہ ہے۔ ان کے مطابق"بادشاہ ماحول کے تحفظ میں گہری دلچسپی رکھتے ہیں اور ایسے مصنوعات جو ماحولیاتی نقصان کا باعث ہوں ان کی رہائش گاہ میں جگہ نہیں
ہوتی"۔

اس مسئلے کا حل شاہی عملے نے "ری یوزایبل" کپڑے کی صورت میں نکالا، جو نہ صرف ماحول دوست ہیں بلکہ بار بار مہنگی مرمتوں سے بھی نجات دلاتے ہیں۔

شاہی باورچی خانے میں "اسٹیل وول" بھی ممنوع

آن سائمنز نے مزید بتایا کہ بکنگھم پیلس میں صرف گیلی وائپس ہی نہیں، بلکہ اسٹیل وول (لوہے کا جھاڑو) اور سخت اسفنج جیسے صفائی کے دیگر عام استعمال ہونے والے اوزار بھی استعمال کرنے کی اجازت نہیں تھی۔ یہ چیزیں اگرچہ میل کچیل تو ہٹا دیتی ہیں لیکن قیمتی سنگِ مرمر، گرینائٹ اور اسٹین لیس اسٹیل جیسی نفیس سطحوں کو خراش پہنچا سکتی ہیں"۔

ان کے مطابق ان اشیاء کے بجائےمائیکرو فائبر کپڑے استعمال کیے جاتے تھے جو نہ صرف نرم ہوتے ہیں بلکہ سطحوں کو نقصان بھی نہیں پہنچاتے۔

صفائی کا شاہی نسخہ قدرتی محلول سے چمکدار باورچی خانہ

آن سائمنز نے شاہی صفائی کا ایک اور راز بھی فاش کیاایک "قدرتی محلول" جو خادمائیں ہر رات استعمال کرتی تھیں۔ ہم روزانہ شام کو باورچی خانے کی تمام سطحوں پر سرکہ، لیموں کا رس اور نیم گرم پانی کا مکسچر چھڑکتے تھے۔ یہ محلول چکنائی ختم کرتا اور چمک چھوڑ جاتا"۔

انہوں نے مزید کہا کہ ایسے قدرتی اور متوازن محلول روزمرہ صفائی میں غیرمعمولی فرق ڈالتے ہیں، اور شاہی معیار کے مطابق صفائی ممکن بناتے ہیں۔