امریکہ : ٹرمپ سے مسلم ممالک کے سربراہان کی ملاقاتیں متوقع

مختلف مسلم ممالک کے رہنما صدر ٹرمپ سے ملاقات کریں گے۔ یہ بات پیر کے روز وائٹ ہاؤس نے بیان میں کہی ہے۔ متوقع طور پر ملاقات کرنے والے رہنماؤں میں قطر ، سعودی عرب، ترکیہ، انڈونیشیا، مصر، اردن، متحدہ عرب امارات اور پاکستان کے قائدین ہوں گے۔

علاوہ ازیں صدر ٹرمپ اس ہفتے میں اقوام متحدہ میں بھی اہم ملاقاتیں کریں گے۔

صدر ٹرمپ اقوام متحدہ کے سیکرٹری جنرل کے علاوہ یوکرین، ارجنٹینا اور یورپی یونین کے عہدیداروں سے بھی ملاقاتیں کریں گے۔ یہ بیان وائٹ ہاؤس کی ترجمان کیرولین لیویٹ کی طرف سے جاری کیا گیا ہے۔