ترکیہ : داعش سے تعلق کے شبہ میں 125 افراد گرفتار

ترکیہ کے وزیر داخلہ نے بدھ کے روز سوشل میڈیا پلیٹ فارم 'ایکس' پر اعلان کیا ہے کہ ملک بھر میں جاری مہم کے نتیجے میں 125 ایسے افراد کو حراست میں لیا گیا ہے جن کے بارے میں شبہ ہے کہ وہ داعش سے منسلک ہیں۔

وزیر داخلہ علی یرلیکایا نے اپنی اس پوسٹ میں کہا ترک سیکیورٹی فورسز کی طرف سے مشتبہ افراد کے خلاف یہ کارروائی ملک بھر میں بیک وقت کی گئی اور 25 مختلف صوبوں سے 125 افراد کو گرفتار کیا گیا۔