ایرانی حکومت نہیں، روّیہ تبدیل کرنے کی کوشش کر رہے ہیں: بولٹن

امریکی قومی سلامتی کے مشیر جون بولٹن کا کہنا ہے کہ صدر ڈونلڈ ٹرمپ کی انتظامیہ ایران میں حکومت گرانے کی کوشش نہیں کر رہی بلکہ تہران کو "اپنا رویّہ تبدیل کرنے" پر مجبور کرنے کے لیے کوشاں ہے۔

انہوں نے یہ بات مقبوضہ بیت المقدس میں ایک پریس کانفرنس کے دوران ایران پر دوبارہ پابندیاں عائد کرنے سے متعلق ٹرمپ کے فیصلے اور ایران میں حالیہ مہینوں کے دوران عوامی مظاہروں پر تبصرہ کرتے ہوئے کہی۔

بولٹن نے خبردار کیا کہ اگر شامی حکومت نے اِدلب صوبے پر کنٹرول کے سلسلے میں حملے کے دوران کیمیائی ہتھیار استعمال کیے تو امریکا "شدّت کے ساتھ" اس کا جواب دے گا۔

قومی سلامتی کے مشیر نے امید ظاہر کی کہ شامی حکومت کے خلاف سابقہ امریکی ضربیں کیمیائی ہتھیاروں کے استعمال کے حوالے سے ایک روک ثابت ہوں گی۔