بابراعظم نے غلافِ کعبہ کی تیاری میں حصہ ڈالنے کا اعزاز حاصل کرلیا

قومی کرکٹ ٹیم کے کپتان بابر اعظم نے غلاف کعبہ(کسوہ) کی تیاری میں حصہ لینے کا شرف حاصل کر لیا۔ انہوں نے کسوہ فیکٹری میں غلاف کعبہ پر کڑھائی کرتے ہوئے اپنی ویڈیو سوشل میڈیا پر شیئر کی جسے صارفین انتہائی پذیرائی دے رہے ہیں۔

یاد رہے بابراعظم ان دنوں سعودی عرب میں موجود ہیں جہاں انہوں نے گذشتہ دنوں عمرہ بھی ادا کیا اور اب کرکٹ ٹیم کے کپتان نے ایسی ویڈیو شیئر کی جس میں وہ کسوہ کی تیاری میں اپنا حصہ ڈالتے ہوئے نظر آ رہے ہیں۔

کپتان نے سماجی رابطے کی فوٹو اور ویڈیو شیئرنگ ایپ انسٹاگرام پر ویڈیو شیئر کی جس میں انہیں غلاف کعبہ کی تیاری میں حصہ لیتے ہوئے دیکھا جا سکتا ہے۔

کرکٹر نے ویڈیو شیئر کرتے ہوئے کیپشن میں لکھا ہے کہ ’’اس عظیم اعزاز کو حاصل کرنے پر اللہ کا شکر گزار ہوں‘‘۔