امریکہ ایران میچ سے قبل اسٹیڈیم میں ایرانی رجیم کے تشدد کا شکار خواتین کی تصاویر

قطر میں منعقد ہونے والے 2022 کے ورلڈ کپ میں ایران کے میچوں میں وقتاً فوقتاً ملک میں ہونے والے مشتعل مظاہروں کی حمایت میں پیغامات سامنے آتے رہتے ہیں جو کہ گزشتہ ستمبر میں کرد نوجوان خاتون مہسا امینی کے قتل کے بعد سے شروع ہوئے تھے اورآج تک جاری ہیں.

’العربیہ‘ کے نامہ نگار کے مطابق آج رات ایران اور امریکہ کے درمیان ہونے والے میچ سے پہلے ایرانی قومی ٹیم کے شائقین دوحہ کے الثمامہ اسٹیڈیم کے آس پاس پہنچے، جنہوں نے بینرز اٹھا رکھے تھے جن پر ایرانی حکومت کے ہاتھوں تشدد کا نشانہ بننے والی ایرانی لڑکیوں کی تصاویر تھیں۔

ویڈیو میں نکا شاکرمی اور سرینا اسماعیل زادہ کی تصاویر والے بینرز دکھائے گئے ہیں جنہیں ایرانی حکام نے اغوا اور تشدد کے بعد قتل کر دیا تھا جب کہ حکام کا دعویٰ تھا کہ انہوں نے خودکشی کی ہے۔

گھر کے صحن میں پڑی لاش

نکا شاکرمی ایک 17 سالہ لڑکی تھی جو 2005 میں پیدا ہوئی۔ وہ تہران میں 20 ستمبر کو ہونے والے مظاہروں میں شرکت کے چند گھنٹے بعد لاپتہ ہو گئی تھی اور ایک ہفتے سے زیادہ عرصے کے بعد اس کے خاندان کو اس کی موت کا علم ہوا۔

دوسری جانب ایرانی حکام نے دعویٰ کیا کہ نوجوان ایرانی خاتون کی لاش 21 ستمبر کی صبح ایک زیر تعمیر مکان کے صحن سے ملی تھی اور اس کا احتجاج سے کوئی تعلق نہیں تھا۔

لیکن ’سی این این‘ کے ذریعہ حاصل کردہ درجنوں ویڈیوز اور عینی شاہدین کے اکاؤنٹس سے پتہ چلتا ہے کہ نکا شاکرمی کا تعاقب کیا گیا تھا اور اس رات ایرانی سکیورٹی فورسز نے اسے حراست میں لے لیا تھا۔

پڑوسی کی چھت سے چھلانگ لگا دی

جہاں تک نوجوان خاتون سرینا اسماعیل زادہ (جس کا تعلق دارالحکومت تہران کے مغرب میں واقع شہر کرج کے شہر کے علاقے مہر سے ہے) موت کے وقت ان کی عمر 16 سال تھی۔ ایرانی حکومت کے مخالفین کی رپورٹوں کے مطابق 21 ستمبر کو ایران میں ہونے والے احتجاجی مظاہروں کے دوران سکیورٹی فورسز کی جانب سے لاٹھیوں سے مار پیٹ کے نتیجے میں سرینا کو ہلاک کر دیا گیا تھا۔

جبکہ البرز گورنری میں عدلیہ کے سربراہ نے اعلان کیا کہ متوفیہ نے اپنی دادی کے پڑوسیوں کی چھت سے چھلانگ لگا کر خود کشی کی تھی۔

عدلیہ کی "میزان" خبر رساں ایجنسی نے حسین فاضلی ہریکندی کے حوالے سے بتایا کہ ایک 16 سالہ لڑکی کی لاش کرج میں متوفیہ دادی کے گھر کے ساتھ والی عمارت کی پچھلی پارکنگ کے دروازے سے ملی تھی۔"

رپورٹ میں مزید کہا گیا کہ سرینا 24 ستمبر کو ایک اونچی جگہ سے گر گئی اور موت کی وجہ اونچائی سے گرنے سے صدمہ، فریکچر اور خون بہنے سے ہوئی۔"

قابل ذکر ہے کہ ایران میں سرگرم کارکن حکام پر ایسے حالات کے مطابق خودکشی کے لیے حالات پیدا کرنے کا الزام لگاتے ہیں جب کہ موت خودکشی کا نتیجہ نہیں ہوتی بلکہ انہیں قتل کیا گیا ہوتا ہے۔

16 ستمبر کو مہسا امینی کی موت کے بعد سے ایران میں بڑے پیمانے پر مظاہرے دیکھنے میں آرہے ہیں، جب انہیں تہران میں اخلاقی پولیس نے خواتین پر عائد سخت لباس کوڈ کی خلاف ورزی کرنے پر امینی کو گرفتار کرکے تشدد کا نشانہ بنایا تھا۔

مظاہروں کے شروع ہونے کے بعد پہلی بار ایران میں حکام نےکل منگل کو تسلیم کیا کہ بچوں سمیت 300 سے زائد افراد ہلاک ہو چکے ہیں۔