مغربی کنارے میں اسرائیلی فوج کے حملے میں ایک فلسطینی جاں بحق

اسرائیلی فورسز نے پیر کے روز مقبوضہ مغربی کنارے میں اریحا کے قریب پناہ گزین کیمپ پر چھاپہ مار کر ایک فلسطینی شہری کو ہلاک اور دو کو زخمی کر دیا۔

فلسطینی وزارت صحت نے ایک مختصر بیان میں واقعے کی تصدیق کی ہے۔

اسرائیلی فوج نے مزید تفصیلات فراہم کیے بغیر کہا ہے کہ اس کی افواج اریحا کے قریب عقبہ جبر کیمپ میں کاروائی کر رہی ہیں۔

زخمیوں کو ہسپتال منتقل کر دیا گیا۔

فلسطین میں ہلال احمر نے کہا کہ زخمیوں میں سے ایک کو سر میں گولی لگی ہے۔

یہ کارروائی مغربی کنارے میں فائرنگ کے ایک حملے میں دو برطانوی اسرائیلی خواتین کی ہلاکت اور تدفین کے ایک دن بعد ہوئی ہے۔