سعودی ولی عہد کا اپنے کویتی ہم منصب سے علاقائی صورتحال اورجنگ بندی کےمعاہدےپر تبادلہ خیال

سعودی عرب کے ولی عہد اور وزیراعظم شہزادہ محمد بن سلمان بن عبدالعزیز نے اپنے کویتی ہم منصب سے خطے کی تازہ ترین صورتحال اور حال ہی میں اعلان کردہ جنگ بندی کے معاہدے پر تبادلہ خیال کیا ہے۔

سعودی عرب کے ولی عہد اور وزیر اعظم شہزادہ محمد بن سلمان نے کویت کے ولی عہد شیخ صباح خالد الحمد الصباح سے فون پر بات چیت کی۔

سعودی پریس ایجنسی "ایس پی اے" کے مطابق اس ٹیلیفونک رابطے کے دوران خطے کی تازہ ترین صورتحال کا جائزہ لیا گیا، جس میں امریکہ اور اسلامی جمہوریہ اسلامی ایران کے درمیان "پاکستان کی ثمر آور کوششوں" کے نتیجے میں طے پانے والا جنگ بندی معاہدے پر تبادلہ خیال کیا گیا۔

اسی تناظر میں دونوں رہنماؤں نے خطے کے امن و استحکام کے حصول کے لیے کی جانے والی تمام کوششوں کی حمایت کرنے کے عزم کا اعادہ کیا۔