سعودی عرب: بدعنوانی کے الزامات میں چھ سرکاری اداروں کے 139 ملزمان گرفتار

سعودی عرب میں انسداد بدعنوانی کے سرکاری ادارے’نزاھہ‘ نے پچھلے ماہ (اگست) میں سرکاری اداروں میں کرپشن کے الزامات کے تحت چھ سرکاری اداورں کے 139 ملزمان کو گرفتار کرکے ان کے خلاف تحقیقات شروع کی ہیں۔ ان ملزمان میں فوج داری اور انتظامی مقدمات کا سامنا کرنے والے ملزمان بھی شامل ہیں۔

’نزاھہ‘ کی طرف سے جاری ایک پریس ریلیز میں کہا گیا ہے کہ اگست کے دوران وزارت داخلہ، دفاع، صحت، تعلیم، بلدیات، ہاؤسنگ سوسائٹی اور زکواۃ وانکم ٹیکس کے محکموں سے تعلق رکھنے والے 380 ملزمان سے تفتیش کی گئی۔تفتیش کے نتیجے 139 ملزمان کو رشوت ، دفتری طاقت کے غلط استعمال اور منی لانڈرنگ کے الزامات میں گرفتار کیا گیا۔

"نزاھہ" نے وضاحت کی کہ اس کی ٹیموں نے اگست کے مہینے کے دوران تقریباً 2,950 مانیٹرنگ چھاپے مارے۔ اس کے علاوہ "نزاھہ" نے وضاحت کی کہ وہ کسی بھی شخص کی نگرانی اور کنٹرول کرنے کے لیے سرکاری اداروں اور پرائیویٹ اداروں کی نگرانی کرتا رہے گا۔ عوامی فنڈز کے غلط استعمال کی روک تھام یا کسی بھی نوعیت کی بدعنوانی اور ریاستی وسائل کو نقصان پہنچانے والوں کے خلاف سختی سے نمٹا جائے گا۔