اسرائیل کی غزہ جنگ: مسلسل اسرائیلی بمباری سے 43214 فلسطینی جاں بحق

اسرائیل نے غزہ میں جنگ کا تیرہواں مہینہ مکمل ہونے کے قریب پہنچنے کے بعد بھی غزہ میں اسرائیلی ٹینکوں سے گولہ باری کا سلسلہ جاری رکھا ہے۔ 2 نومبر 2024 کو ہفتے کے دن تک اسرائیلی فوج نے 43214 فلسطینیوں کو قتل کر لیا ہے۔

اب تک یہ کسی بھی اسرائیلی جنگ میں فلسطینیوں کو قتل کرنے کے حوالے سے اسرائیل کا سب سے بڑا ریکارڈ ہے۔ ادھر امریکہ جس کے صدارتی انتخاب میں صرف دو دن باقی رہ گئے ہیں نے ایک بار پھر اسرائیلی دفاع کے لیے خطے میں مزید ہتھیار اور جنگی اثاثے بھجوانے کا اعلان کیا ہے۔

غزہ کی فلسطینی وزارت صحت کے مطابق اب تک کی فلسطینیوں کی اسرائیلی فوج کے ہاتھوں ہلاکتوں میں سب سے بڑی تعداد فلسطینی عورتوں اور بچوں کی ہے۔ فلسطینی عوام کے نسل کشی کے لیے اسرائیلی فوج نے بچوں اور عورتوں کو اپنے خصوصی ہدف کے طور پر سامنے رکھا ہوا ہے۔

وزارت صحت کے مطابق پچھلے چوبیس گھنٹوں کے دوران اسرائیلی فوج نے 55 فلسطینیوں کو قتل کیا ہے۔ جبکہ اب تک کی جنگ کے دوران اسرائیلی فوج نے 102019 فلسطینیوں کو زخمی کیا ہے۔

زخمیوں کی یہ تعداد بھی اسرائیل کی اب تک لڑی جانے والی کسی بھی جنگ سے زیادہ ہے۔ اگرچہ یہ زخمی فلسطینی صرف غزہ کی پٹی سے تعلق رکھتے ہیں۔